أسراره فى قلبى

أسراره فى قلبى

ولا شلت الهمْ ..

وقت الأحزان !!

ولا يوم .. بهتم

من أي كلام !

أصل أنا شرايني

مليانه محبه

أصل أنا شرايني

مليانه إسلام

أصل أنا .. عبده

موصوله .. بربى

والكون دا .. بحاله

أسراره .. فى قلبى

سرى المكون فى سماه

بيهدي .. الموج فى عنادي

وأما .. بسبّح مولاه

أرضه .. بتدفى ودادي

وفضاؤه .. اللى أنا جواه

نسخه .. مصغره لمرادي

من .. طموحات أو أحلام

ولا شلت الهم

ولا يوم باهتم .. !!

أصل أنا .. عبده

موصوله .. بربى

والكون دا .. بحاله

أسراره .. فى قلبى

ومن قوته .. فيه عفيه

وكفى استغنى .. بغناه

ومن عزته .. نفسى هنيه

شاكره .. وراضيه برضاه

ولا .. تلزمنى تغذيه

ولا .. تلزمني المعاناه

من اللى يقطعوا الأرحام

وباسمه .. أبدا أعمالى

وهوه .. يبارك المشاوير

طلباتي .. وبيجيبهالى ..

وقليله .. يساوي كتير

..

دانا لما عنيّه

بتشير لحواجبى

القى .. حبيبى ربى

يقضى لى .. حوايجي

من غير ما اتكلم

من غير تكدير

وحتى ..

فى أوقات العسره

ما مضيتش لغيره توكيل !

ولا ..

قاضى محكمة الأسره

هز كياني بالتكشير

ولا شلت الهم .. ولا يوم باهتم

أصل أنا عبده موصوله بربى

والكون دا بحاله .. أسراره فى قلبى