وحاضنه النجمة بإيديه
يا نجمة .. مروحه الفجرية ..
عدي .. على حبيبى .. فى تركيا ..
وقولى له .. صباح النور ..
صباح الحب يا عنيه .
صباح الحب .. يا كل الناس
يا ركب .. حارسني بلا حراس
ولا المنصورة .. ولا بلقاس ..!
خطاواتك .. بلد ليه ..
يا تنويره .. من المقباس
قسمت .. قلبي ، لطبق وناس
وقارورة ..
من الإحساس
بكلماتك .. مندَّيه
شعاع نورك ..
وصل داري
وشطف وش ..
أفكاري
وغزلى .. توبى ..
وخماري
ورش القمر ضيّه عليا
شعاع نورك ..
سكن فى الروح
وأنا اللى قلبى كان مجروح
راح قايل لعقلى بوح :
سفينة نوح ،
من الطوفان ..
معديه
نورك ..
طلَّعنى من كهفى
لقيت روحى
على كفى
وشايلالك
فى عنيا الكون
وحاضنه .. النجمه بإيديه
وحاضنه .. النجمه بايديه .
