لسه فى انتظار

لسه في انتظار

ليه ..

القلوب ماهش دافيه

زي القلب ..

بتاع زمان ؟!

القلب ..

اللى فى ليله ..

مرفأ .. للمحبه والحنان

وكان نهاره ..

يقوم هناك

يرمي الشباك

ويا ..

غصن الفل للصيادين .

وكان يشوف ..

الصبح ورده ..

عبيرها .. يهدهد ..

المسافرين !

هو ليه ؟

قلب انهرده ..!!

زي طاير ..

حاير .. يرفرف ..

 بلا جناحين ؟! 

طاير ..

يحط الاشتياق

وبينقصه .. أمن الطريق

ولهفه .. من قلب الصديق

طاير ..

بيحلم .. بس حلمه

لسه مدفون .. جوه قلبه

بتكسره ..

رعشه سما ..!!

وتحوله .. بكي ومطر .. !!

حلمه .. لسه فى انتظار !

حلمه لسه فى انتظار